|
Eg heiter Håvar Fagerli, fødd 1976, gift med Kariann, to born, opphavleg frå Gloppen, busett på øya Barmen i Selje kommune. Lærar, småbrukar og fotointeressert.
Kvifor heiter så sida fjellar.no? Det har seg slik at eg har flytta til ein stad der
fjellarane bur. Slik eg har forstått det er det ikkje så gale å vere ein
fjellar. Sidan eg òg likar meg godt i høgda, var det ikkje vanskeleg å finne
namn på denne nettsida.
I tillegg til å skrive og syne biletet frå livet som ein fotograferande fjellar vil eg drive litt butikk på denne nettsida. Eg har vore frilansjournalist sidan 2003. Eg likar godt å skrive, men det er fotograferinga som har vore det aller kjekkaste i den jobben. I 2006/2007 hadde eg fast jobb som journalist i Fjordenes Tidende. Eg er utdanna lærar, og lengta tilbake til lærarjobben. I dag jobbar eg som lærar ved Flatraket skule, i tillegg får eg utfalde meg som fotograf og fjellvandrar med denne nettsida og enkeltpersonsføretaket mitt. Med det får eg både i pose og sekk:)
I samband med drifta av sida til Barmøy bygdelag og frilansjobbar har det blitt nokre tusen foto. Eg har difor opna opp for sal av nokre av desse fotoa. Dette kan de lese meir om på butikksida mi.
I tillegg til sal av foto kan eg ta på meg fotooppdrag, journalistoppdrag, produsere og drifte nettsider.
Eg har ikkje lagt til kommentarfelt på bileta mine Om nokon vil kome med tilbakemeldingar, anten på bilde eller nettsida, er de hjarteleg velkomne til å sende ein e-post.
Kontaktinformasjon:
Håvar Fagerli
Fjellet
6715 Barmen
Telefon: 57 85 62 72
Mobil: 942 79 790
E-post1: havar@fjellar.no
E-post2: fagerli@barmen.no
Organisasjonsnummer: 987 921 757
|
